Tant grate chievre que mal gist,
Tant va le pot a l’eaue qu’il brise,
Tant chauffe on le fer qu’il rougist,
Tant le maille on qu’il se debrise,
Tant vault l’homme comme on le prise,
Tant s’eslongue il qu’il n’en souvient,
Tant mauvais est qu’on le desprise,
Tant crie l’on Noel qu’il vient.

Tant parle on qu’on se contredist,
Tant vault bon bruyt que grace acquise,
Tant promet on qu’on s’en desdit,
Tant prie on que chose est acquise,
Tant plus est chiere et plus est quise,
Tant la quiert on qu’on y parvient,
Tant plus commune et moins requise,
Tant crie l’on Noel qu’il vient.

Extrait de « Poésies diverses »