(…)

Madame, il estoit temps que j’en usasse ainsy,
Et je perdois ma gloire à demeurer icy.
Le Peuple à qui la faim se faisoit déja craindre,
De mon peu de vigueur commençoit à se plaindre ;
Me reprochant déja qu’il m’avoit couronné,
Et que j’occupois mal le rang qu’il m’a donné.
Il le faut satisfaire, et quoy qu’il en arrive,
Thebes dès aujourd’huy ne sera plus captive,
Je veux, en n’y laissant aucun de mes soldats,
Qu’elle soit seulement juge de nos combats :
J’ay des forces assez pour tenir la campagne,
Et si quelque bonheur nos armes accompagne,
L’insolent Polinice et ses fiers Alliez
Laisseront Thebes libre, ou mourront à mes piez.

(…)

Extrait de « La Thébaïde, Acte I, scène 3 »