CHANSON VI
Amour et Mort m’ont faict oultrage :
Amour me retient en servage,
Et Mort, pour accroistre ce dueil,
A prins celuy loing de mon œil
Qui de près navre mon courage.
Helas ! Amour, tel personnage
Te servoit en fleur de son aage,
Mais tu es ingrat à mon vueil,
De souffrir guerre et son orgueil
Tuer ceulx qui t’ont faict hommage.
Si c’est à mon cueur advantage
De ce que son noble corsage
Gist envers, loing de mon acueil ;
Car si j’avois veu son sercueil,
Ma grand’douleur deviendroit rage.
Extrait de « Chansons »
Clément MAROT
(1496 - 1544)
Né à Cahors dans le Lot, ce poète français fut valet de chambre de François 1er et page de Marguerite de Valois. Fidèle aux formes traditionnelles du Moyen-âge (rondeau, ballade), il est aussi poète de cour plein d’élégance dans ses Épîtres, ses Épigrammes, ses Élégies.
Une rue de Tours porte son nom.
Illustré par une peinture à la cire de Catherine RÉAULT-CROSNIER.
|
|
|
|