Que me conseilliez-vous, mon cueur ?
Iray je par devers la belle,
Luy dire la peine mortelle
Que souffrez pour elle en doleur ?
Pour vostre bien et son honneur,
C’est droit que vostre conseil celle.
Que me conseilliez-vous, mon cueur,
Iray je par devers la belle ?
Si plaine la sçay de doulceur
Que trouveray mercy en elle,
Tost en aurez bonne nouvelle.
G’y vois, n’est ce pour le meilleur ?
Que me conseilliez vous, mon cueur ?
Charles D’ORLÉANS
(1391 - 1465)
Poète français, fils de Louis d’Orléans, il fut fait prisonnier à la bataille d’Azincourt. Il demeura vingt-cinq ans en captivité en Angleterre. Libéré, il se consacra à la poésie dans son château de Blois, parlant de la solitude, de la nature, de la fuite du temps. Ses rondeaux et ballades atteignent à une perfection musicale qui inspireront plus tard Villon, Marot, Verlaine, Apollinaire.
|
|
|
|